Nga Ardita Jatru
Demokraci
Lufta mbaroi Krimet tona i fshehëm nën lëkurë. Dhe hapëm dyert.
Erdhi paqja dhe ne shihnim ëndrra me të vrarë. U përpoqëm të ishim të lumtur Krijuam partitë zgjodhëm dhe një kryetar dhe shkruanim për lirinë dhe fshinim buzët me gazetat.
Njëri tjetrin pyesim me zë të ulët: A ta ktheu partia shtëpinë? Burgun, ta dëmshpërbleu? Ke ujë? Drita a ke? Tek pazari Gabit blejmë vrerin tonë me lekë. U bëmë një turmë memecë pa shtëpi, pa jetë, me parti.
U bëmë një turmë memecë pa shtëpi, pa jetë, me parti.
Nën lëkurë fshehëm bukur të vrarët tanë dhe paaftësitë tona i bëmë slogane. “na nuk do bahena”, “na kurrë s’kemi qenë”.Por kemi tamburet dhe festojmë ikjet dhe ardhjet tona, aty ku paqja s’erdh’ kurrë varim gënjeshtrat.
O zot që na mbështolle me lëkurë E nuk shohim dot të brendshmet tona nga vetja si të zhvishemi tani, kur as revolucionet nuk bëjnë më punë?
rreth autorit
0
0
Average Rating